၂၀၂၇ ခုနှစ် အာရှ ယူ-၁၇ အမျိုးသမီးဘောလုံးပြိုင်ပွဲ (AFC U17 Women’s Asian Cup 2027) ခြေစစ်ပွဲအတွက် လေ့ကျင့်ပြင်ဆင်နေသည့် Young Lionesses (မြန်မာ ယူ-၁၇) အသင်း၏ ပုံရိပ်များ ဖြစ်ပါသည်။
Young Lionesses ၊ မြန်မာ့လက်ရွေးစင် အမျိုးသမီး ယူ-၁၇ သည် လာမည့် အောက်တိုဘာလအတွင်း ၂၀၂၇ ခုနှစ် အာရှ ယူ-၁၇ အမျိုးသမီးဘောလုံးပြိုင်ပွဲ (AFC U17 Women’s Asian Cup 2027) ခြေစစ်ပွဲ ယှဉ်ပြိုင်ကစားရန် ရှိပြီး ယင်းပြိုင်ပွဲအတွက် လေ့ကျင့်ပြင်ဆင်လျက်ရှ်သည်။
အာရှ ယူ-၁၇ အမျိုးသမီးဘောလုံးပြိုင်ပွဲ (AFC U17 Women’s Asian Cup 2027) ခြေစစ်ပွဲ၏ အုပ်စု(G) အုပ်စုပွဲစဉ်များကို မြန်မာနိုင်ငံမှ အိမ်ရှင်အဖြစ် လက်ခံကျင်းပမည်ဖြစ်ပြီး အိမ်ရှင်မြန်မာအသင်းသည် ဟောင်ကောင်၊ ဂူအမ်အသင်းများနှင့် တစ်အုပ်စုတည်း ကျရောက်နေသည်။
မြန်မာ ယူ-၁၇၊ Young Lionesses အသင်းသည် အောက်တိုဘာ ၅ ရက်တွင် ဂူအမ်အသင်း၊ အောက်တိုဘာ ၁၁ ရက်တွင် ဟောင်ကောင်အသင်းတို့နှင့် ကစားရမည်ဖြစ်သည်။ ပွဲစဉ်များကို သုဝဏ္ဏကွင်းတွင် ကျင်းပမည်ဖြစ်ပြီး အိမ်ရှင်မြန်မာအသင်း၏ အုပ်စုပွဲစဉ် နှစ်ပွဲစလုံးကို ညနေ(၄:၀၀) တွင် ကစားမည်ဖြစ်သည်။
