ယနေ့ စတင်ကျင်းပမည့် Myanmar Women’s League 2026-27 ဘောလုံးရာသီ ပွဲစဉ်များအားလုံးတွင် တစ်ပွဲချင်းစီအလိုက် အကောင်းဆုံး ကစားသမားအဖြစ် ရွေးချယ်ခံရသည့် ကစားသမားများကို AYA Pay Player of the Match ဆုတံဆိပ်နှင့်အတူ AYA Pay ငါးသိန်းကျပ် တိုးမြှင့်ချီးမြှင့်သွားမည်ဖြစ်သည်။
ပြီးခဲ့သည့် ဘောလုံးရာသီတွင် AYA Pay Player of the Match ဆုရရှိသည့် ကစားသမားများအား တစ်ပွဲလျှင် ဆုငွေကျပ် တစ်သိန်း ချီးမြှင့်ခဲ့သော်လည်း ယခုဘောလုံးရာသီတွင် ကစားသမားများ၏ ကြိုးစားအားထုတ်မှုနှင့် စွမ်းဆောင်ရည်ကောင်းများကို ပိုမိုအသိအမှတ်ပြုဂုဏ်ပြုနိုင်ရန်အတွက် ဆုကြေးငွေကို ကျပ်ငါးသိန်းအထိ တိုးမြှင့်ပေးအပ်သွားမည်ဖြစ်သည်။
အဆိုပါ AYA Pay Player of the Match ဆုရွေးချယ်ရာ၌ ယှဉ်ပြိုင်ကစားကြသည့် အသင်းနှစ်သင်းမှ Head Coach နှစ်ဦးနှင့် Assistant Coach နှစ်ဦးတို့၏ မဲပေးရွေးချယ်မှုများကို အခြေခံ၍ မြန်မာနိုင်ငံဘောလုံးအဖွဲ့ချုပ်၏ Women’s Technical Study အဖွဲ့ဝင်များက အတည်ပြု ရွေးချယ် ဆုံးဖြတ်ပေးသွားမည် ဖြစ်သည်။
